Prayer for the new born

ഞങ്ങളിലൂടെ ജന്മം നൽകുന്നതിന് അങ്ങു തിരുമനസ്സായ ഈ കുഞ്ഞിനെ ഓർത്ത് ദൈവമേ, ഞങ്ങൾ അങ്ങേക്കു നന്ദിപറയുന്നു. ജീവിതത്തിന്റെ എല്ലാ നിമിഷങ്ങളിലും ഈ ശിശുവിനെ അനുഗ്രഹിക്കണമേ. ഈ ശിശുവിന്റെ നിസ്സഹായാവസ്ഥയിൽ അങ്ങു തന്നെ ഇവനെ (ഇവളെ) പരിപാലിക്കണമേ. ശൈശവത്തിന്റേതായ സകലവിധ രോഗങ്ങളിലും അപകടങ്ങളിലും നിന്ന് കാത്തുകൊള്ളണമേ. കാത്തുകൊള്ളണമേ. അങ്ങേക്കു യഥാർത്ഥസാക്ഷിയാകത്തക്കവിധം ജീവിതത്തിന്റെ ഓരോഘട്ടത്തിലും യഥാവിധി അങ്ങു വഴിനടത്തണമേ. കർത്താവേ, ഈ ശിശുവിന്റെ മാതാപിതാക്കളാകുന്നതിനു ഭാഗ്യം ലഭിച്ച് ഞങ്ങൾ ഈ ശിശുവിനെ കലവറയില്ലാതെ സ്നേഹിക്കുന്നതിനും അങ്ങു ഞങ്ങളിൽ അർപ്പിച്ചിട്ടുള്ള പ്രതീക്ഷകൾക്ക് മങ്ങലേൽക്കാത്തവിധത്തിൽ വളർത്തുന്നതിനും അങ്ങ് ആഗ്രഹിക്കുന്ന ജീവിതാവസ്ഥയിലേക്കു കൈപിടിച്ചുനടത്തുന്നതിനും ഞങ്ങളെ സഹായിക്കണമേ, ആമ്മേൻ.