Prayer during home visit

കാരുണ്യവാനായ കർത്താവേ, ഈ കുടുംബത്തെ അനുഗ്രഹിക്കണമേ. ഇപ്പോൾ ഇവിടെയുള്ളവരെയും പുറത്തായിരിക്കുന്നവരേയും അങ്ങേയ്ക്ക് ഞങ്ങൾ സമർപ്പിക്കുന്നു. സക്കേവൂസിന്റെ ഭവനത്തിൽ ചെന്ന് " ഈഭവനത്തിനു രക്ഷ കൈവന്നിരിക്കുന്നു' എന്നരുളിച്ചെയ്ത യേശുനാഥാ, ഈ കുടുംബത്തെ അനുഗ്രഹിക്കണമേ. ദൈവത്തിന്റെയും മനുഷ്യരുടെയും മുമ്പാകെ നല്ലവരായി വളർന്നുവരുവാൻ കുഞ്ഞുങ്ങളെ സഹായിക്കണമേ. പരസ്പര സ്നേഹത്തിലും വിശ്വസ്തതയിലും വളർന്നുവരുവാൻ ദമ്പതികളെ സഹായിക്കണമേ. ദാരിദ്ര്യ ദുഃഖങ്ങളും രോഗങ്ങളും മറ്റും സമചിത്തതയോടെ നേരിടുവാനുള്ള കഴിവ് എല്ലാവർക്കും നല്കണമേ. അങ്ങയുടെ കല്പനകൾ പാലിച്ചും തിരുഹിതം നിറവേറ്റിയും ജീവിതം ക്രമപ്പെടുത്തു വാനുള്ള കൃപാവരം നല്കണമേ. അവസാനം ഞങ്ങൾക്കെല്ലാവർക്കും സ്വർഗ്ഗത്തിൽ അങ്ങയെ നേരിൽക്കണ്ട് ആനന്ദിക്കുവാനുള്ള അനുഗ്രഹം നല്കുകയും ചെയ്യണമേ. ആമ്മേൻ.